მადრიდის "რეალის" ფეხბურთელებმა - რიკარდუ კაკამ, სერხიო რამოსმა, კრიშტიანუ რონალდუმ, ესტებან გრანერომ, ალვარო არბელოამ და ჩაბი ალონსომ - გულშემატკივარს აქტიური მხარდაჭერისკენ მოუწოდეს.
ყველაფერი კაკამ დაიწყო, რომელსაც
Twitter- ის გვერდზე ყველაზე მეტი მეგობარი ჰყავს. მან სოციალურ ქსელზე ასეთი შეტყობინება დატოვა:"ჩვენ სეზონის ყველაზე მნიშვნელოვანი მატჩის გამართვა მოგვიწევს "ბერნაბეუზე". წარმატებისთვის ყველაფერს გავაკეთებთ, მაგრამ ჩვენ უფრო მეტი გვინდა".
კაკას ასეთ განცხადებას რამოსიც გამოეხმაურა:"გვინდა, რომ სტადიონზე 80 000 გულშემატკივარის მხარდაჭერა ჯერ კიდევ მაშინ ვიგრძნოთ, როდესაც მატჩისთვის გახურებას დავიწყებთ. ჩვენ გულშემატკივარისგან აქტიურ მხარდაჭერას ვითხოვთ".
Twitter- ის მეშვეობით გულშემატკივარს ნდობა რონალდუმაც გამოუცხადა:"მართალია. მჯერა, რომ გულშემატკივარს შეუძლია დიდი დახმარება გაგვიწიოს ფინალში გასასვლელად. იმედი მაქვს, ეს ასე იქნება".
უყურადღებოდ არც არბელოას დარჩენია ეს ფაქტი. კლუბის სკოლის აღზრდილმა განაცხადა:"დიახ. თქვენ (გულშმატკივრებს) ფინალში გასვლის და მეათე ტიტულისკენ უდიდესი ნაბიჯის გადადგმის შანსი ხელიდან არ უნდა გაუშვათ".
ამ ერთგვარ აქციას ჩაბი ალონსოც გამოეხმაურა:"ჩვენ ერთად ვითამაშებთ: ფეხბურთელები და გულშემატკივრები. იმედია, სტადიონი სრულიად სავსე იქნება". ესპანელმა ნახევარმცველმა ზიდანის მიერ გაკეთებული განცხადებაც გაიზიარა და თავის გვერდზე
ვიდეო განათავსა...
ინფორმაციის წყარო: RealMadrid.com
საიტის მენიუ
