ყველაფერი აქ!

კანონიერი ქურდების ისტორია საქართველოში

administratorN:1 — Sun, 24 Feb 2013 13:46:43 GMT

„კანონიერი ქურდების ისტორია საქართველოში"

შეუძლებელია, განისაზღვროს,თუ როდის,რომელ წელს აღმოცენდა დაჯგუფება და რატომ ეწოდა მას „კანონიერი ქურდები".რევოლუციამდელი დანაშაულებრივი სამყაროს ჟარგონში ასეთი ტერმინი მკვლევართა მიერ დაფიქსირებული არ არის.იმ ვარაუდის დაშვება,რომ ასეთი დაჯგუფებით დაინტერესებულნი არ იყვნენ რეციდიული და პროფესიული დანაშაულობის სპეციალისტი მკვლევარები,არ შეიძლება.უფრო მეტიც,თითქოს ტერმინი „კანონიერი ქურდი" მოფიქრებული იყო შინაგან საქმეთა სახალხო კომისარიატი თანამშრომლების მიერ,რაც ეფუძვნება იმ ფაქტს,რომქურდულ სამყაროში არ არის ტერმინი „კანონიერი ქურდი".მასში ვხვდებით მხოლოდ ტერმინს– ქურდი „ჩესტიანკა",რაც ქვეყნის მასშტაბით „მოგასტროლიორე" პროფესიონალს ნიშნავს.სპეციალურ ლიტერატურასა და სხვა წყაროებზე დაყრდნობით,აგრეთვე „კანონიერ ქურდებთან"საუბრებიდან გამომდინარე,შეიძლება დავასკვნათ,რომ ხშირად გამასწორებელი დაწესებულების ადმინისტრაციის ან სამართალდამცავებთან თავის მართლების მიზნით თავად ქურდები ხაზს უსვამდნენ:"მე კანონიერი ვარ,ამიტომ მოვიქეცი დანაშაულებრივი სამყაროსაკანონებისა და ადათ– წესების შესაბამისად და არა სხვაგვარად".

აღნიშნული პროცესები სათავეს იღებს 1929 წლიდან,როდესაც სსრ კავშირში რეპრესიების ახალი ეტაპი დაიწყო.დაპატიმრებულთა რაოდენობამ ყოველგვვარ ზღვარს გადააჭარბა,რამაც განაპირობა საპატიმრო ადგილებში ახალი მთავარი სამმართველოს ჩამოყალიბება „გულაგის" სახელწოდებით.ამ სამსახურის ხელმძღვანელობას საპატიმროებში სისხლის სამართლის დამნაშავე ელემენტებზე ოპერატიული ზედამხედველობის განხორციელება დაევალა.საკონტროლო ფუნქციები კი შინსაქკომის მთავარმა ინსპექციამ იკისრა.მთავარი სამმართველოს ფუნქციაში შევიდა აგენტებად ე.წ."უკარგანების"სასწრაფოდ გადმობირება.გადმობირებულ კონტიგენტს დისციპლინის დამყარება დაევალა.ადმინისტრაცია ხელს უწყობდა გადმობირებულების ავტორიტეტის ამაღლებას,ბანაკის ტერიტორიაზე რეჯიმი მათთვის შედარებით თავისუფალი იყო,შეეძლოთ,დაუბრკოლებლად შეხვედროდნენ ისეთ ადამიანებს, ვისგანაც საჭირო ინფორმაციას მოიპოვებდნენ.ასეთ პირებს ზედმეტ სახელად „ბლატნიე"ანუ „ბლატიანები" შეარქვეს.

პატიმართა ამ კატეგორიას შემდგომში „კანონიერი ქურდი" უწოდეს.ბანაკის თუ საპატიმროს უფროსისთვის „კანონიერი" ნიშნავდა აგენტად გადმობირებულ ავტორიტეტს.

შესაბამისად შეიძლება გავაკეთოთ დასკვნა,რომ „კანონიერი ქურდი" არის საბჭოთა კავშირის ფენომენი,რომელიც 30–იანი წლების დასაწყისშიდამკვიდრდა.აღნიშნული სახელწოდება თითქოს რეციდივისტთა დაჯგუფებასთან ასოცირდებოდა და მათ ქორდების სხვა კატეგორიისგან გამოყოფდა.

საინტერესოა,უფრო ახლოს გავეცნოთ „კანონიერი ქურდების" ისტორიას.თუ როგორი იყო მისი სტრუქტურა."კანონიერი ქურდების" გარემოს სტრუქტურული იერარქია საკმაოდ დემოკრატიული იყო.მათ შორის არ იყვნენ პირდაპირი ხელმძღვანელები იმდენად,რამდენადაც რამდენადაც ისინი საკუთარ თავს საკმაოდ თავისუფალ ადამიანებად აღიქვამდნენ და არ ემორჩილებოდნენ ვინმეს ბრძანებას.ისი „ქურდული კანონების" მიხედვით ცხოვრობდენ.

· ქურდული კანონები 7 ძირითად დებულებას მოიცავდა:

· ქურდული იდეის ერთგულება და მხარდაჭერა;

· სამართალდამცავ ორგანოებთან კონტაქტის დაუშვებლობა;

· სხვა კანონიერ ქურდებთან ან ავტორიტეტებთან ურთიერთობებში პატიოსნების დაცვა;

· თავიანთ წრეებში ახალი წევრების,განსაკუთრებით ახალგაზრდების ჩარევის ვალდებულება;

· პოლიტიკური მოღვაწეობის აკრძალვა;

· კონტროლი გამასწორებელ დაწესებულებებსა და დროებითი დაკავების საკნებში წესრიგის დაცვაზე,იქ ქურდების კონტროლის დამყარება;

დღესდღეობით „კანონიერი ქურდების"რიცხვი ყოფილსსრკ ტერიტორიაზე ,დაახლოვებით,1000კაცს შეადგენს.

შვიდი ეროვნების კანონიერი ქურდების:ქართველების,რუსების,სომხების,აზერბაიჯანელების,ებრაელების,ისრაელებისა და ბერძნების საერთო რაოდენობა სულ 349 ადამიანს შეადგენს.მათგან 315 ქართველია.

კანონიერ ქურდებს არ აქვთ დისლოკაციის მუდმივი ადგილი.მასში ყველა თანასწორია,თუმცა კავშირი წევრებს შორის იმდენად მყარია,რომ „ქურდები"როგორღაც ერთ მთლიანს წარმოადგენენ.

მკვლევართა აზრით,არსებობს 10–ზე მეტი მკვეთრად დაყოფილი ქურდული პროფესია,რომელთა საქმიანობაც მკვეთრადაა რეგლამენტირებული.აქვთ თავისი სტრუქტურა.ეს იძლევა საფუძველს,გაკეთდეს დასკვნა,რომ ქურდული თანასაზოგადოება _ესაა პროფესიონალთა ორგანიზაციული კრიმინალური თანასაზოგადოება.

დანაშაულებრივი სამყაროს ლიდერები ყველანაირად ცდილობდნენ,დაემტკიცებინათ თავიანთი ერთგულება „ქურდული იდეისადმი" და მკაცრად იცავდნენყველა ნორმას.ქურდული ცხოვრების ერთ–ერთი მნიშვნელოვანი რიტუალია მისი „კურთხევა"."კანონიერ ქურდად"შეიძლება „იკურთხოს" მხოლოდ ის ბოროტმოქმედი,რომელიც დაჯგუფებაში მიიღეს სპეციალურად მოწვეულ ყრილობაზე,ამასთან,გაიარა სამწლიანი გამოსაცდელი ვადა,რომლის განმავლობაში იგი ქურდების მიერ მოწმდებოდა და ამის შემდეგ ეძლეოდა სამი ან ოთხი „კანონიერიქურდის"ზეპირი რეკომენდაცია.ის პირნი,რომელთაც ახალბედას მისცეს რეკომენდაცია,პასუხისმგებილნი არიან მისი შემდგომი ქცევისთვის.

ზოგიერთი ბოროტმოქმედნი კი ვერასოდეს გახდებიან „კანინიერი ქურდები".ასეთები კი არიან:ჰომოსექსუალისტები,რაიმე ვალის არ გადამხდელნი(ფუფლოჟნიკები),სამართალდამცავ ორგანოში მოსამსახურენი.

„კურთხევის" რიტუალი არშეიძლება შედგეს მიმოწერით.

უკანასკნელ პერიოდში „კანონიერ ქურდად"კურთხევის რიტუალმა გარკვეული დისკრედიტაცია განიცადა.

მკვლევარები აღნიშნავენ იმ ფაქტსაც,რომ ქართველ „კანონიერ ქურდთა" დიდმა ნაწილმა ტიტული მოსყიდვების გზით მიიღო.თუ რუს ქურდებში უფრო მეტი ავტორიტეტით ისინი სარგებლობდნენ,ვინ უფრო დიდხანს იჯდა ციხეში,ქართველ „კანონიერ ქურდებს" შორის ისეთებიც გვხვდებიან,რომელთაც საერთოდ არ უნახავთ ციხის კარი და ისე „აკურთხეს კანონიერ" ქურდად.ლიტერატურაში მოყვანილია ისეთი მაგალითებიც,როცა „კანონიერ ქურდად"

20 წლის ახალგაზრდა აკურთხეს.

ქართველ კრიმინალურ საზოგადოებას შორის ბევრია ისეთი ავტორიტეტები,რომლებმაც დიდი გავლენა მოახდინეს სსრ კავშირსა და დსთ ქვეყნების დანაშაულებრივი თანასაზოგადოების განვითარებაზე.მათ შორის აღსანიშნავია:

· ჯაბა იოსელიანი,

· ოთარ კვანტრიშვილი,

· ტარიელ ონიანი.

ჯაბა იოსელიანი,ცოცხალი ლეგენდა დაურყევი ავტორიტეტი ყოფილი სსრ კავშირის დანაშაულებრივ სამყაროში.

ჯაბა იოსელიანი დაიბადა 1926 წელს.16 წლისა პირველად დააპატიმრეს.მან მალევე მოიპოვა აღიარება დანაშაულებრივ სამყაროში.

მეორედ რომ დააკავეს,ძებნას გაექცა და ლენინგრადს შეაფარა თავი,სადაც სხვისი გვარით ცხოვრობდა.საშუალო განათლების არმქონემ უნივერსიტეტში ჩაბარება ფსიქოლოგიის ფაკულტეტზე და მეოთხე კურსამდე მიღწევა მოახერხა.29 წლის ასაკში ის კვლავ დააპატიმრეს და 25 წელი თავისუფლების აღკვეთა მიუსაჯეს.სახალხო არტისტების–სერგო ზაქარიაძისა და მედეა ჯაფარიძის შუამდგომლობით მას პატიმრობის ვადა შეუმცირეს და საქართველოში გადმოიყვანეს,სადაც ზონას „კურირებდა".ციხიდან გამოსვლის შემდეგ ის,მაშინდელი ფინანსთა მინისტრის,ანანიაშვილის შუამდგომლობით თეატრალურ უნივერსიტეტში მოეწყო.ჯაბა იოსელიანის ღვაწლი ქართული თეატრის განვითარებაში საკმაოდ დიდია.

იოსელიანის დებიუტი 1989 წელს შედგა,როდესაც სსრკ დებუტატების არჩევნებზე,როგორც,საზოგადო მოღვაწის,აკაკი ბაქრაის ნდობით აღჭურვილი პირი გამოვიდა.დებიუტი წარმატებული აღმოჩნდა–ბაქრაძე დეპუტატი გახდა.

1989 წლის აპრილის მოვლენების შემდეგ ის იძულებული გახდა,"ნაციის დასაცავად"შეიარაღებულიფორმირებების შექმნასთან დაკავშირებით გადაწყვეტილება მიეღო.სწორედ ამ დროს შეიქმნა მხედრიონი.სწორედ ამის გამო დაუპირისპირდა გამსახურდია იოსელიანს.იოსელიანმა კი განსახურდიასთან მიმართებაში წამოაყენა წინადადება:"მოვიცილოთ ეს ნაძირალა,სანამ მთელი ხალხი არ დაღუპა".

1995 წელს იოსელიანი და მისი თანამებრძოლები სამშობლოს ღალატში და შევარდნაძეზე თავდასხმაში დაადანაშაულეს.გარდა ამისა მას ბრალად ედებოდა ედპ–ლიდერის–გიორგი ჭანტურიას მკნლელობა.

1998 წელს „მხედრიონი" კანონგარეშედ გამოცხადდა და იოსელიანს 11წლით პატიმრობა მიესაჯა,2001 წელს ის შეიწყალა შევარდნაძემ.ციხიდან გამოსვლის შემდეგ მან კვლავ მოკიდა ხელი პოლიტიკას,ავადმყოფობამდე ცოტა ხნით ადრე კი საპარლამენტო არჩევნებში მონაწილეობის შესახებ განაცხადა.

2003 წელს იოსელიანი გარდაიცვალა ტბილისის სამედიცინო უნივერსიტეტის სახელმწიფო კლინიკაში ისე,რომ ინსულტის შემდეგ გონზე არ მოსულა.მის სამკურნალოდ ბევრი ცნობილი სპეციალისტი ჩამოვიდა უცხოეთიდან.დაკრძალეს დიდუბის საზოგადო მოღვაწეთა პანთეონში.

ოთარ კვანტრიშვილი–კრიმინალური ავტორიტეტი და „საზოგადო მოღვაწე"

gtxovt ! ! !

administratorN:1 — Sun, 19 Aug 2012 20:14:15 GMT

gtxovt shedit am facebook gverdze daa daliket.. gtxovt )))

რამდენს ეშველებოდა სახე განვადებით რომ იყოს

24 წლის ბიჭის თვითმკვლელობა სათვალთვალო კამერამ გადაიღო (VIDEO)

administratorN:1 — Tue, 10 Jul 2012 15:15:49 GMT

ახალგაზრდა მამაკაცმა მოსკოვის მეტროში თავი მას შემდეგ მოიკლა, რაც საბანკო ანგარიშიდან 1 მილიონი რუბლი ვერ გამოეტანა, რომელიც მშობლებისთვის სჭირდებოდა.

ის მატარებლის რელსებში ჩავარდა. ვიდეოკამერებმა დააფიქსირეს, როგორც დებს ახალგაზრდა თავს ლიანდაგზე მატარებლის გავლამდე.

ტრაგედია ათობით ადამიანის თვალწინ მოხდა. მეტროსადგურ „ბიბირევოს" თანამშრომლებმა რელსებიდან განცალკევებული თავი და ტანი ამოიტანეს - წერს „ლაიფ-ნიუსი".

„მატარებლის თვლებმა სამართებელივით იმუშავა, თვითმკვლელმა ისე გათვალა ყველაფერი, რომ საკუთარ თავს ერთი შანსიც კი არ დაუტოვა" - განაცხადეს სამართალდამცავებმა.

თვითმკვლელი - 24 წლის ივან მალიკი აღმოჩნდა. ის ერთ-ერთ ესპანურ ბანკში მუშაობდა. მოსკოვში სოეციალურად მოლაპარაკებებისთვის ჩავიდა და მადრიდში მალე უნდა დაბრუნებულიყო. თუმცა მანამდე ახლობლებთან რამდენიმე დღის გატარებას აპირებდა.

ტრაგედიამდე რამდენიმე საათით ადრე ახალგაზრდამ დედას დაურეკა, რათა გაეხარებინა, რომ მასთან ტიუმენში ჩადიოდა.ის მშვიდად იყო, საერთოდ ვერაფერი შევამჩნიე - ამბობს დედა.

თუმცა ივანმა ბილეთების ყიდვა ვეღარ მოახერხა. ამის მაგივრად მეტროში ჩავიდა და დაახლოებით, ერთი საათის განმავლობაში პლატფორმაზე მიმოდიოდა, თითქოს, ადგილს სწავლობდა.

„სავარაუდოდ, ის ადრევე გეგმავდა სუიციდს. ვიდეოკმარების საშუალებით დავადგინეთ, რომ ის ორჯერ იმყოფებოდა ამ სადგურზე" - ამბობენ სამართალდამცავები.

ნათესავების თქმით ივანს თვითმკვლელობის მიზეზი არ ჰქონდა.

ერთადერთი, კრედიტი ჰქონდა. იმიტომ აიღო, რომ მამას სახლის მშენებლობაში დახმარებოდა. მერე რაღაც პრობლემები დაეწყო საბანკო ბარათებთან დაკავშირებით და კრედიტის დაფარვას ვეღარ ახერხებდა.

ტრაგედიის დღეს ივანმა დედას უთხრა, რომ ერთ-ერთი ბარათი დაუბლოკეს.

internet.ge

მგლისგან დაგლეჯილი მამაკაცის ცხედარი იპოვეს

administratorN:1 — Tue, 10 Jul 2012 14:55:52 GMT

შუახევის რაიონში, მგლისგან დაგლეჯილი მამაკაცი იპოვეს, ის ჭვანის ხეობის სოფელ ზემო ხევში მცხოვრები 60 წლის ჯეფერ ქარცივაძეა.

გავრცელებული ინფორმაციით, მამაკაცის დაგლეჯილი სხეულის ნაწილები მეზობლებმა იპოვეს და პოლიციას შეატყობინეს.

გარდაცვლილი ამ დროისთვის საკუთარ სახლშია გადასვენებული.

“გლაზგო რეინჯერსი” შოტლანდიის პრემიერლიგიდან გარიცხეს

administratorN:1 — Tue, 10 Jul 2012 14:51:45 GMT

შოტლანდიის ფეხბურთში ისტორიული სკანდალი მომწიფდა - ქვეყნის 54-გზის ჩემპიონი "გლაზგო რეინჯერსი” არ დაუშვეს 2012/13 წლების პრემიერლიგის გათამაშებაში. კლუბების უმრავლესობამ ხმა გლაზგოელების ახალი სეზონის კალენდარში შეყვანის წინააღმდეგ მისცა.

შოტლანდიის პრემიერლიგაში მონაწილეობას კვლავ 12 კლუბი მიიღებს, თუმცა დღეისთვის ცნობილია 11-ის ვინაობა. დიდი შანსია, რომ "რეინჯერსის” ადგილი პირველი დივიზიონის "დანდიმ” დაიკავოს.

რაც შეეხება თავად ‘’გლაზგო რეინჯერსს”, კლუბი ახლა უმძიმეს ფინანსურ კრიზისშია, რის გამოც იგი შესაძლოა მესამე დივიზიონში ჩამოაქვეითონ

ხუთი რამ, რასაც ადამიანი სიკვდილის წინ ნანობს...

administratorN:1 — Thu, 05 Jul 2012 06:59:58 GMT

აღმოჩნდა, რომ ძალიან ბევრი ადამიანი, ცხოვრების გზის ბოლოს განვლილ წლებს აანალიზებს და ერთსა და იმავე შეცდომებზე საუბრობს, რასაც სიამოვნებით შეცვლიდა თავიდან დაწყების შანსი რომ ჰქონოდა.

1. ნეტავ ისე მეცხოვრა, როგორც მე მინდოდა და არა ისე, როგორც სხვები მოელოდნენ ჩემგან...

ეს აღმოჩნდა მომაკვდავი ადამიანების მიერ ყველაზე ხშირად გამოთქმული სინანული. როდესაც სიცოცხლე დასასრულს უახლოვდება, ბევრი ადამიანი იხსენებს გასულ წლებს და ხვდება, რომ ძალიან ბევრ შემთხვევაში თავის გულისთქმას არ დაუჯერა და იმას აკეთებდა, რასაც საზოგადოება (მშობლები, ოჯახი, მეგობრები) ელოდნენ მისგან. ყველა ჩვენგანისთვის ძალიან მნიშვნელოვანია სხვების შეფასება. ხანდახან იმდენად, რომ მზად ვართ ჩვენს თავს და ოცნებებს ვუღალატოთ. ადამიანს არჩევანის თავისუფლება იმაზე მეტი აქვს, ვიდრე ჰგონია. ჯანმრთელობა თავისუფლებაა, მაგრამ ამას მაშინ ვხვდებით, როცა აღარ გვაქვს.

2. ნეტავ ამდენი არ მემუშავა...

მომაკვდავი ადამიანები ხშირად ნანობენ, რომ "გააცდინეს" თავისი შვილების პატარაობა, მეუღლის სიყვარული, ახლობლებთან ურთიერთობა იმიტომ, რომ მეტისმეტ მნიშვნელობას ანიჭებდნენ პროფესიულ განვითარებას და მატერიალურ "დოვლათს". თითქმის ყველა ადამიანი, ვისაც აქტიური პროფესიული ცხოვრება ჰქონდა, ბოლოს ნანობს, რომ სამსახურს იმაზე დიდი ადგილი დაუთმო ცხოვრებაში, ვიდრე ეკუთვნოდა.

3. ნეტავ ჩემი გრძნობების გამოხატვის სითამამე მქონოდა...

მრავალი ადამიანი იკავებს თავს საკუთარი აზრების და სხვების მიმართ დამოკიდებულების გამოხატვისგან, რომ გარემომცველებთან "მშვიდობა" შეინარჩუნონ. ბრონის ბევრი პაციენტი თვლიდა, რომ სწორედ "მძიმე ცხოვრების და ურთიერთობების სიმწარის" ატანით გამოიწვია თავისი დაავადება. ისინი თვლიან, რომ სულ სხვა ადამიანები "გამოვიდოდნენ" გულისთვის რომ დაეჯერებინათ და ვინც უყვარდათ და ვინც სძულდათ, ყველასთან გამოეხატათ თავისი გრძნობები.

4. ნეტავ მეგობრებთან მეტი დრო გამეტარებინა...

ხანდახან ჩვენ ვერ ვაცნობიერებთ, რამდენად მნიშვნელოვანია მეგობრებთან გატარებული დრო მანამ, სანამ ცოტა დრო არ დაგვრჩება. ადამიანები ისეთი "ჩახვეულები" ხდებიან საკუთარ ცხოვრებაში, ოხახებში და სამსახურში, რომ ავიწყდებათ "ოქროს მეგობრების" დაფასება, შენარჩუნება და გვერდში დგომა. ცხოვრების ბოლოს ბევრი ჩვენგანი ფიქრობს, რომ მეგობრებს იმდენი დრო და ყურადღება არ დაუთმო, რაც ეკუთვნოდათ და, ამით, ბევრი დაკარგა.

5. ნეტავ ჩემი თავისთვის უფლება მიმეცა, უფრო ბედნიერი ვყოფილიყავი...

ბევრი ადამიანი სიცოცხლის ბოლო კვირებამდე ვერ ხვდება, რომ "იყო ბედნიერი" არის არჩევანი. ბევრი ნანობს, რომ ბედნიერებას კომფორტი არჩია. მათი ოცნებების დიდი ნაწილი ყოველდღიურ რუტინას შეეწირა და ის, რაც ნამდვილ სიხარულს მიანიჭებდა, ყოველთვის მომავლისთვის აღმოჩნდებოდა გადადებული. ცვლილებების შიში ბევრ ჩვენგანს უკარგავს ბედნიერების შესაძლებლობას და იმ გზებს უკეტავს, რომლებსაც ჩვენი თავის უკეთ შემეცნებისკენ და იმ ცხოვრებისკენ მივყავართ, რომელიც ბედნიერებას მოგვიტანს.

ესპანეთმა ოლიმპიადისთვის ფეხბურთელთა ვინაობა გააცხადა

administratorN:1 — Thu, 05 Jul 2012 06:51:52 GMT

ესპანეთის ნაკრების იმ ფეხბურთელთა ვინაობა გახდა ცნობილი, ვინც ოლიმპიურ თამაშებზე გამოვა.

აღსანიშნავია, რომ ოლიმპიური თამაშების განაცხადში ევრო 2012-ზე მონაწილე სამი ესპანელი ფეხბურთელი მოხვდა.

მეკარეები: დავიდ დე ხეა (მანჩესტერ იუნაიტედი), ჟოელ რობლესი (ატლეტიკო), დიეგო მარინო (ვილიარეალი)
მცველები: სეზარ ასპილიკუეტა (მარსელი), ხორდი ალბა, მარტინ მონტოია (ორივე ბარსელონა), ხავი მარტინესი, მიკელ სან ხოსე (ორივე ატლეტიკი), ალვარო დომინგესი (გლადბახი), ალბერტო ბოტია (ხიხონი), ინიგო მარტინეი (სოსიედადი)
ნახევარმცველები: ტიაგო ალკანტარა (ბარსელონა) ანდერ ერერა, იკერ მუნიანი (ორივე ატლეტიკი), კოკე (ატლეტიკო), ორიოლ რომეუ, ხუან მატა (ორივე ჩელსი), ისკო (მალაგა)
თავდამსხმელები: ადრიანი (ატლეტიკო), ალვარო ვასკესი (ესპანიოლი), კრისტიან ტელიო (ბარსელონა), როდრიგო (ბენფიკა)

2012 წლის ზაფხული: მთავარი ტრანსფერები

administratorN:1 — Thu, 05 Jul 2012 06:43:16 GMT

ევროპაში სატრანსფერო ფანჯარა პირველ ივლისს გაიხსნა. ეს ფაქტი ევრო 2012-ის გამო ოდნავ ჩრდილში იდგა. ქვევით წარმოგიდგენთ ათ ყველაზე ეფექტურ ტრანსფერს ამ ერთი თვის განმავლობაში.

მარკო როისი ("გლადბახი"- დორტმუნდის "ბორუსია," 18,7 მლნ. ეურო).

ნიჭიერი ფეხბურთელი დორტმუნდის "ბორუსიას" აღზრდილად ითვლება, თუმცა, "ფუტკრების" რიგებში ადგილის დამკვიდრება როისმა ვერ შეძლო, რის გამოც მალე იგი დორტმუნდელი კლუბის ხელმძღვანელობამ გაყიდა სამომავლო უპერსპექტივობის გამო, მაგრამ გასული სეზონი მარკომ, უბრალოდ, შესანიშნავად ჩაატარა, რითაც ის "გლადბახს" ჩემპიონთა ლიგის ზონაში ადგილის დამკვიდრებაში დაეხმარა. მან ასვე თავის გამოჩენა ევროპის ჩემპიონატზეც შეძლო. როისს შეტევაში ნებისმიერ პოზიციაზე თამაში, ფლანგის დაკეტვა და მოედნის ცენტრში თამაშის გამწვავება შეუძლია. "უძღები შვილის" დასაბრუნებლად, დორტმუნდის "ბორუსიამ" 15 მლნ. ფუნტი გადაიხადა.

დიდიერ დროგბა ("ჩელსი"- "შანხაი შენხუა," თავისუფალი აგენტი)

დიდიერ დროგბას ლონდონის "ჩელსიში" დრო დაუმთავრდა. თავდამსხმელმა "ლურჯების" რიგებში თითქმის რვა მატჩი ჩაატარა, ახლა კი იგი საპენსიო კრუიზზე ჩინეთში გაემართა. ლონდონში თამაშისას ბომბარდირმა არაერთი ტიტული მოიგო და ყველაზე მნიშვნელოვანი რისი მოპოვებაც მან მოახერხა ისაა, რომ აბრამოვიჩის გუნდის ფანების გულის მონადირება შეძლო. იმის შესახებ, რომ ის კლუბს დატოვებდა, დიდიერი ჯერ კიდე სეზონის დასაწყისში საუბრობდა, ასე, რომ კოტ-დიუვარელი ფორვარდის წასვლა სიურპრიზი არ ყოფილა. მისი წასვლა ძალიან ლამაზი გამოვიდა. ფეხბურთელმა გასულ სეზონში ინგლისის ლიგისა და ევროპის ყველაზე პრესტიჟული ტურნირის- ჩემპიონთა ლიგის მოგება შეძლო. ფეხბურთელს კარიერის გასაგრძელებლად სხვა ვარიანტებიც ჰქონდა, თუმცა, თვითონ მან უზრუნველყოფილი და წყნარი ჩინეთი აირჩია. არ შეიძლება იმ ფაქტზე ყურადღების არ მიპრობა, რომლის მიხედვითაც ჩინეთში ფეხბურთელებს ზრაპრული ხელფასები აქვთ, რაც კარიერის დასასრულს კარგ სტიმულად ითვლება.

ხორდი ალბა ("ვალენსია"-"ბარსელონა," 15.2 მლნ. ეურო)

კატალონიელების აღზრდილმა არადამაკმაყოფილებელი ფიზიკური მონაცემების გამო "ბარსელონას" ახალგაზრდული შემადგენლობის მწვრთნელის ყურადღება ვერ მიიპყრო, რის გამოც იგი გაყიდულ იქნა "კორნელიაში," საიდანაც ლა ლიგაში დაბრუნდა. "ლურჯ-ბროწეულისფერები" აქტიურად ცდილობდნენ მინიატურული ფეხბურთელის გაფორმებას, თუმცა, კლუბებმა საკმაოდ დიდი ხანი სასურველ სატრანსფერო თანხაზე ვერა და ვერ მოილაპარაკეს. ხორდი ალბამ საკუთარი თავი ძალიან კარგად წარმოაჩინა ევროპის ჩემპიონატზე, იტალიასთან გამართულ ფინალში მან გოლის გატანა შეძლო. "ბარსელონაში" ის გადადის, როგორც ერიკ აბიდალის შემცვლელი, რომელიც გასულ სეზონში უფრო მეტ დროს მკურნალობდა, ვიდრე თამაშობდა. მისი სისწრაფისა და ეფექტურობის გათვალისწინებით, ხორდი ალბა კატალონიური კლუბის წარმატების ერთ-ერთი მთავარი ელემენტი შესაძლოა გახდეს.

რიკარდო მონტოლივო ("ფიორენტინა"- "მილანი," თავისუფალი აგენტი)

იტალიურმა "მილანმა" ხელში გემრიელი ლუკმა ჩაიგდო. ნიჭიერი ფეხბურთელის ტრანსფერი მის პოტენციურ მყიდველებს შესაძლოა ძვირი დასჯდომოდათ, მაგრამ მონტოლივომ "იებთან" კონტრაქტის არ გახანგძლივება გადაწყვიტა და "როსონერის" ხელში სრულიად უფასოდ ჩაუვარდა. ფლორენციული კლუბი საკუთარი ლიდერის შენარჩუნებას უკანასკნელ ამოსუნთქვამდე ცდილობდა, თუმცა, გრძელვადიანმა მოლაპარაკებებმა ისინი მნიშვნელოვან ვერაფრამდე ვერ მიიყვანა. რიკარდოს კლუბის შეცვლა მტკიცედ ჰქონდა გადაწყვეტილი. მონტოლივო ევროპის ჩემპიონატზე იტალიის ნაკრების ნაწილი გახდა, იგი მატჩიდან მატჩამდე უმატებდა. თავის პარტნიორებთან ერთად ფეხბურთელმა ჩემპიონატის გადამწყვეტ ფაზამდე მიღწევა შეძლო, ხოლო "სკუადრა აძურას" მწვრთნელმა, ჩეზარე პრანდელიმ ფინალში იგი ძირითად შემადგენლობაში ათამაშა, თუმცა, ამ მატჩში იტალიელების ფიასკო მოხდა, ისინი ესპანეთის ნაკრებთან 4:0 დამარცხდნენ.

შინჯი კაგავა (დორტმუნდის "ბორუსია"- "მანჩესტერ იუნაიტედი")

კაგავას "გაეშმაკებით" პრაქტიკულად ყველამ მოიგო. თვითონ იაპონელმა მაღალ დონეზე საკუთარი თავის წარმოჩენის შესანიშნავი შანსი მიიღო, რაზედაც მთელი გასული სეზონი ოცნებობდა. "მანჩესტერმა" შესანიშნავი შუა ხაზის ფეხბურთელი შეიძინა, რომელიც მას გასულ სეზონში პრემიერ ლიგის მოსაგებად შესაფერისი არ აღმოაჩნდა, და ბოლოს დორტმუნდულმა კლუბმა საკუთარ ბიუჯეტზე იაპონელის სანაცვლოდ საკმაოდ დიდი კომპენსაცია აღმოაჩინა, რაც ნიშნავს იმას, რომ კარგი მოგება ნახა, მითუმეტეს, როდესაც ორი წლის წინ გერმანელებმა კაგავა მხოლოდ და მხოლოდ 350 ათას ევროდ შეიძინეს. სრულიად სხვა შეკითხვაა შეძლებს, თუ არა იაპონელი პრემიერ ლიგაში ადგილის დამკვიდრებას. ინგლისურ ფეხბურთში ბევრი ფეხბურთელი საკმაოდ ხისტად თამაშობს, იაპონელი კი ძლიერი ჯანმრთელობით ვერ დაიკვეხნის. ხშირად გვინახავს, რომ ტექნიკური ფეხბურთელები უბრალოდ იკარგებოდნენ "ნისლიან ალბიონზე."

ედენ აზარი ("ლილი"- "ჩელსი," 43,7 მლნ. ეურო).

ნიჭიერი ბელგიელი ფეხბურთელი ახალი სეზონიდან გულშემატკივრებს მსოფლიოს საუკეთესო ლიგაში ასპარეზობით გაახარებს. აზარმა საფრანგეთში ბევრი გოლი და საგოლე გადაცემა მიითვალა, ბოლოს კი გულშემატკივრებს ჩემპიონატის ბოლო მატჩში ჰეთ-თრიქი აჩუქა. თავიდან ნიჭიერი ფეხბურთელის შეძენა სურდა ორ მანჩესტერულ კლუბს, ხოლო თვითონ აზარმაც საკუთარ თვითერში არაერთხელ აღნიშნა, რომ მას ლურჯი ფერი უფრო მოუხდება. აღმოჩნდა, რომ ედენი არ იტყუებოდა, თუმცა, იგი ახალ სეზონს დაიწყებს არა "სიტიში," არამედ "ჩელსიში." ბელგიელმა თავისი გადაწყვეტილება იმით დააკომენტარა, რომ მასზე შთაბეჭდილება მოახდინა "ჩემპიონთა ლიგის" გამარჯვებულის რიგებში თამაშის პერსპექტივამ. ფინანსური მხრითაც "ჩელსის" პროექტი უფრო მყარად გამოიყურებოდა. თუმცა, "სტემფორდ ბრიჯზე" ფეხბურთელი თავს ვერ დააღწევს მის შედარებას ფერნანდო ტორესთან, რომლის საყიდლადაც თითქმის იდენტური თანხა იქნა გადახდილი, ფერნანდომ, როგორც ცნობილია მინიჭებული იმედები ვერ გაამართლა.

მარკო მარინი ("ვერდერი"- "ჩელსი," 10.6 მლნ. ეურო)

ასევე ლონდონში შემდეგი სეზონიდან იასპარეზებს გერმანიის ნაკრების ჰავბეკი მარკო მარინი, რომელმაც მშვენივრად წარმოაჩინა საკუთარი თავი სამშობლოში. მინიატურული და სწრაფი ნახევარმცველი ბრემენული "ვერდერის" ნამდვილი ლიდერი გახდა, თუმცა, ბოლო დროს იგრძნობოდა, რომ ფეხბურთელს კლუბის შეცვლა ესაჭიროებოდა. ბრემენში მარინი ცოტათი უმოქმედოდ იყო და პროგრესირება შეწყვიტა. მარკოს შეუძლია თამაში, როგორც ნახევარდაცვის ცენტრში, ისე მარცხენა ფლანგზე. ორივე პოზიციაზე მას ბევრი კონკურენტი ეყოლება, ასე, რომ მინიატურურლ გერმანელს ძირითად შემადგენლობაში ადგილის დასამკვიდრებლად ბევრი მუშაობა მოუწევს. მისი სატრანსფერო თანხა არც ისე დიდია. ლონდონელებმა ბრემენულ კლუბს მის სანაცვლოდ 10,6 მლნ. ეურო გადაუხადეს.

ოლივიე ჟირუ ("მონპელიე"- "არსენალი," 16,4 მლნ. ეურო)

ფრანგი ფორვარდი ერთ-ერთი შემოქმედი გახდა ზღაპრისა სახელად "მონპელიე," რომელიც გასულ სეზონში საფრანგეთის ჩემპიონი გახდა. ბევრ ევროპულ კლუბს სურდა ჟირუს თავიასი ფორმით ხილვა, თუმცა, ფრანგების ხელმძღვანელობას საკუთარი ლიდერის გაყიდვა არ სურდა. ოლივიეს შეძენაზე პრეტენდენტები თანდათან გაიფანტნენ, ხოლო ყველაზე პერსისტულად მოულოდნელად ლონდონის "არსენალი" აღმოჩნდა, რომელიც ბოლო ამოსუნთქვამდე ცდილობდა მის შეძენას. თუმცა, "მონპელიეს" ხელმძღვანელობის ეშმაკმა წარმომადგენლებმა ფეხბურთელის სანაცვლოდ ლონდონელებს საკმაოდ სოლიდური თანხა მიიღეს. საინტერესოა, რომ არც ისე დიდი ხნის წინ ლონდონელთა რიგებში გადავიდა ჟირუს სტილის ფორვარდი მარუან შამახი, რომელსაც ამჟამად მტკიცედ "უკავია" "არსენალის" ზამენის სკამი. შედეგად ახლა, "არსენალის" ხელმძღვანელები თავს იმტვრევენ იმის თაობაზე, თუ როგორ მოიშორონ თავიდან მაროკოელი ფორვარდი.

ლუკაშ პოდოლსკი ("კიოლნი"- "არსენალი," 14.1 მლნ. ეურო)

ლუკაში მის კარიერაში პირველად მოსინჯავს საკუთარ ძალებს გერმანიის საზღვრებს გარეთ. "კიოლნის" ლეგენდამ გადაწყვიტა კვლავ დაეტოვებინა "თხების" რიგები, თუმცა, ამჯერად იგი ნისლიან ალბიონზე გადაბარგდება. არსენ ვენგერმა გუნდის შეტევის ხაზში სერიოზული ცვლილების შეტანა განიზრახა, ხოლო პოდოლსკი, როგორც მოსალოდნელია ფრანგი მწვრთნელის გეგმის მიხედვით, მარცხენა ფლანგზე იმოქმედებს, რომელზეც ევროპის ჩემპიონატის საუკეთესო ასისტენტი ანდრეი არშავინი თამაშობდა. ამჯერად, მოზრდილ რუსსზე, როგორც ფრანგი სპეციალისტი იმედებს არ ამყარებს, რაც იმას ნიშნავს, რომ გერმანიის ნაკრების თავდამსხმელს ამ პოზიციაზე ერთი კონკურენტით ნაკლები ეყოლება, მაგრამ აღსანიშნავია ის ფაქტიც, რომ ევრო 2012-ზე პოდოლსკი არ ბრწყინავდა. სრულიად შესაძლებელია, რომ მასზე გრძელვადიანმა სეზონმა და მშობლიურ "კიოლნთან" ერთად ბუნდესლიგაში დარჩენისათვის ბრძოლამ იმოქმედა.

მარიო მანჟუკიჩი ("ვოლზბურგი"- "ბაიერნი," 14 მლნ. ეურო)

ხორვატმა ფორვარდმა შესანიშნავად წარმოაჩინა საკუთარი თავი ევროპის ჩემპიონატზე. მეორე სართულზე შესანიშნავად მოთამაშე ხორვატმა სამჯერ აიღო მოწინააღმდეგეების კარები და გახდა ევრო 2012-ის ერთ-ერთი საუკეთესო ბომბარდირი. არ შეიძლება ითქვას, რომ მარიოზე ნამდვილი ნადირობა გაჩაღდა, რადგან "ბავარიამ" წყნარად და მშვიდად გააკეთა თავისი საქმე. მან ოპერატიულად იპოვა ივიცა ოლიჩის შემცვლელი. შეიძლება ითქვას, რომ მანჟუკიჩის ვარიანტი, უბრალოდ, უსაფრთხო ნასროლია, რადგანაც ფეხბურთელი ფელიქს მაგათის ხელმძღვანელობით დიდი ხნის წინ შეეჩვია გერმანულ ფეხბურთს. ხორვატმა იცის, თუ როგორ იმოქმედოს ბუნდესლიგაში. ვნახოთ, როგორ შეეჩვევა იგი "რეკორდმაისტერის" რიგებში ასპარეზობას.

Kobe Bryant's Top 10 Plays of the 2011 Season

administratorN:1 — Wed, 04 Jul 2012 18:28:51 GMT

Kobe Bryant-ის 10 საუკეთესო მატჩი 2011 წლის სეზონში

იტალია განადგურებულია, "ფურია როხამ" ტიტული დაიცვა

administratorN:1 — Sun, 01 Jul 2012 21:07:26 GMT

ესპანეთის ეროვნული ნაკრები, ევროპის 2012 წლის ჩემპიონია.

ვისენტე დელ ბოსკეს დამოძღვრილებმა, საფინალო დაპირისპირებაში, 4-0 გაანადგურეს "სკუადრა აძურა.""წითლების" მხრიდან, სილვამ, ალბამ, ტორესმა და მატამ შეძლეს თავის გამოჩენა.მაშასადამე, "ფურია როხა" ზედიზედ მეორედ კონტინენტის საუკეთესო გუნდია.აღსანიშნავია, რომ ფინალში მსგავსი სამარცხვინო ანგარიში არასოდეს დაფიქსირებულა.