ჩემპიონთა ლიგის ¼ ფინალის განმეორებით მატჩში "ბარსელონასთან” მარცხის 1:3 შემდეგ, "მილანის” ფორვარდი ზლატან იბრაჰიმოვიჩი მეტად უკმაყოფილო დარჩა მსაჯობით. შვედი ფორვარდი თვლის, რომ ჰოლანდიელმა არბიტრმა ზეგავლენა მოახდინა მატჩის შედეგზე. "შევძელით ანგარიშის გათანაბრება, რის შემდეგაც მსაჯმა კუიპერსმა 11-მეტრიანი დანიშნა ჩვენს კარში. ამ უცნაურმა გადაწყვეტილებამ დიდი ზეგავლენია იქონია შეხვედრის მსვლელობაზე. ამ დრომდე ვერ გამიგია, სად დაინახა მან იქ პენალტი. სამაგიეროდ კარგად მესმის მადრიდის "რეალის” მთავარი მწვრთნელის ჯოზე მოურინიოსი, როდესაც ის ჩადის "კამპ ნოუზე” - ახლა ეს საკუთარ თავზე გამოვცადე. "ბარსელონას” არ უნდა სჭირდებოდეს ეს, ჩვენ ხომ მსოფლიოს საუკეთესო გუნდზე ვსაუბრობთ” - თქვა იბრაჰიმოვიჩმა.
|