Chivas Guadalajara 0-3 Real Madrid [ამხანაგური | 21.07.2011 | მიმოხილვა] - 21 ივლისში 2011

დღეს, მადრიდის "რეალმა" რიგით მეორე ამხანაგური მატჩი გამართა. ჟოზე მოურინიოს გუნდი სან დიეგოში, ადგილობრივ "ჩივას გუადალახარას" ესტუმრა და რონალდუს მიერ შესრულებული ჰეთ-ტრიკის წყალობით მეტოქეს, 0-3 სძლია. პორტუგალიელმა 74-დან 83-ე წუთებამდე, მექსიკელთა კარი სამჯერ აიღო და მატჩის საუკეთესო მოთამაშეც გახდა.

მოურინიოს გადაწყვეტილებით, საწყის წუთებში მოედანზე ჩაბი ალონსო ითამაშებდა, მაგრამ ესპანელმა დაზიანება მიიღო და ჟოზემაც კოენტრაუს გამოყვანა გადაწყვიტა. პორტუგალიელი ფეხბურთელი აქტიურად ერთვებოდა შეტევებში და ცენტრალური ნახევარმცველის ფუნქციებსაც სათანადოდ ასრულებდა. "თეთრებმა" მატჩი აქტიურად დაიწყეს და პირველ 7 წუთში რონალდუს თავის გამოჩენის საშუალება 2-ჯერ მიეცა, მაგრამ ორივე მომენტში პორტუგალიელს ლუის მიჩელმა აჯობა.

რამდენიმე მომენტში თავი ვარანემაც გამოიჩინა. ახალგაზრდა ფრანგი დაცვაში თამაშთან ერთად, შეტევაშიც ეხმარებოდა გუნდს. რამდენიმე ეპიზოდში მან მადრიდელთა კარი გაშვებული გოლისგანაც იხსნა. საწყის წუთებში, ფრანგი შეტევაში გადავიდა და საჯარიმოში ჩაწოდებულ ბურთს თავიც დაუხვედრა, მაგრამ რონალდუს მსგავსად, მასაც ლუის მიჩელმა ვარანეს აჯობა.

ფაბიუ კოენტრაუმ, ესტებან გრანერომ და კრიშტიანუ რონალდუმ მოედანზე 90 წუთი დაჰყვეს. უნდა აღინიშნოს ისიც, რომ სასტარტო თერთმეტეულში იკერ კასილასის ნაცვლად, ანტონიო ადანი მოხვდა. კანტერანოები, წინა თამაშის მსგავსად, რომელიც "რეალმა" 1-4 მოიგო, კარგად გამოიყურებოდნენ.

მადრიდელები მეორე ტაიმში გააქტიურდნენ. სტუმართა მხრიდან შანსი კალეხონს მიეცა, შემდეგ ბენზემა იყო. ფრანგი იოზილის გადაცემის შემდეგ მეკარესთან ერთი-ერთზე დარჩა, მაგრამ მექსიკელთა გოლკიპერი უშეცდომოდ ახერხებდა ბურთების მოგერიებას, მაგრამ 73-ე წუთამდე...

"ჩივას გუადალახარა" - "რეალ მადრიდი" 0:3 (0:0)

"ჩივას გუადალახარა": ლუის მიჩელი - მეხია, ფონსე (ლედესმა, 75), ესპარსა, რეინოსო (მაგალონი, 55') - მარიო დე ლუნა, არუხო, ხავიერ ივან ბაესი (კასტილიო, 86'), ფაბიანი - არელიანო (ხ.სანჩესი, 79), მედინა.
"რეალ მადრიდი": ადანი (კასილასი, 46') - არბელოა (ნაჩო, 46'), ვარანე (ალბიოლი, 46'), კარვალიუ (პეპე, 46'), მარსელო (კასადო, 83') - კოენტრაუ, გრანერო; იოზილი (ხესე, 82'), კაკა (კალეხონი, 46'), რონალდუ - ბენზემა (ხოსელუ, 79').
გოლები: 0:1 - რონალდუ (73'), 0:2 - რონალდუ (პენ. 76'), 0:3 - რონალდუ (82').
არბიტრი: რიკარდო სალაზარი.
გაფრთხილებები: მეხია (36'), კოენტრაუ (40'), არელიანო (44'), რონალდუ (56').
21 ივლისი, 07:00 (თბილ. დრ.), "ქუალკომის" სტადიონი, სან დიეგო, კალიფორნია, 38 211 მაყურებელი.

გოლები:

...73-ე წუთზე, კრიშტიანუ რონალდუმ მადრიდელები წინ გაიყვანა. პეპე-კალეხონი-ბენზემა-რონალდუ და ანგარიში გაიხსნა. როგორც იქნა, მადრიდის "რეალი" დაწინაურდა. 75-ე წუთზე პეპე მისგან განსხვავებულ ამპლუაში აღმოჩნდა. პორტუგალიელი მცველი მეტოქის საჯარიმოში შეიჭრა და მეტოქეს თამაშის წესების დარღვევა აიძულა. თერთმეტმეტრიანი რონალდუმ გაიტანა და დუბლის გაფორმება შეძლო. 82-ე წუთზე კოენტრაუმ ბურთი საჯარიმოსკენ მიმავალ იოზილს გადააწოდა, გერმანელმა საჯარიმოში ჩაჰკიდა, შეტევა კვლავ რონალდუმ დააგვირგვინა და საბოლოო წერტილიც დასვა.

0-1, რონალდუ (74')

0-2, რონალდუ (77')

0-3, რონალდუ (83')

ყველა გოლი ერთ ფაილად.

მიმოხილვა:

მატჩის ამსახველი ვიდეო მიმოხილვა