ბავშვები მაღალი ცნობიერებითა და მახვილი ინტუიციით, ფლობენ ახალ, უჩვეულო ფსიქოლოგიურ თვისებებსა და ტენდენციებს. მათი აზროვნების პროცესი და საერთოდ ხასიათი განსხვავებული და ამავდროულად საკმაოდ პრინციპულია. შეუძლიათ სხვისი აზრების კითხვა, შესწევთ უნარი, მიიღონ ინფორმაცია იმ მოვლენების შესახებ, რომლებიც მრავალი ათასი კილომტრის იქით ხდება. მსჯელობენ სამყაროს ბედზე, მოგვითხრობენ წარსული ცხოვრების შესახებ. ინდიგო ბავშვების ინტელექტის დონე ჩვეულებრივი ადამიანის ინტელექტზე ბევრად უფრო მაღალია. მათ არ სჭირდებათ "ცდისა და შეცდომის" გზის გავლა - ისინი ქვეცნობიერად ირჩევენ სწორ გზას, რომელიც ჩვენ, შესაძლოა, უცნაურად მოგვეჩვენოს. ამ საოცარ ბავშვებს ახალი ცნობიერების ადამიანებს" "იისფერი რასის წარმომადგენლებს", "ზეციურ მოციქულებს", `"ათასწლეულის ბავშვებსა" და "NEW AGE"-ს (ნიუ ეიჯის), ანუ "ახალ ეპოქის ადამიანებს" უწოდებენ. თუმცა ასეთი ბავშვების ყველაზე გავრცელებული სახელი ინდიგოა. ინდიგო ბავშვებს მუქი იასამნისფერი აურა აქვთ. საკმაოდ თვითმყოფადები არიან, აქვთ მბრძანებლური ხასიათი და მკვეთრად გამოხატული ინდივიდუალობა. არ მოსწონთ, როდესაც მათ მბრძანებლობენ და მითითებებს აძლევენ. ინდიგო ბავშვების დაბადების მრავალი მოსაზრება არსებობს, რომელთაგან ყველაზე გავრცელებული შემდეგი სამი ვერსიაა. პირველი მოსაზრებით, ინდიგო ბავშვი უცხოპლანეტელთან შერწყმით იბადება, მეორე ვერსიით, ის ღვთის საჩუქარია, მესამე მოსაზრების თანახმად კი ადამიანის ბუნებრივი მუტაციაა. 2007 წელს იაპონიის ნაციონალური ტეევიზიის ეთერში აჩვენეს ვიდეომასალა, რომელმაც შოკში ჩააგდო არამხოლოდ რიგითი მოქალაქეები არამედ გამოცდილი მეცნიერებიც. კადრებში ჩანს თუ როგორი უჩვეულო მეთოდით კითხულობენ ინდიგო ბავშვები წიგნებს. "თქვენ კადრში ხედავთ როგორ კითხულობს ინდიგო გოგონა წიგნს და თან წაკითხულის შინაარს ჰყვება. გოგონა ფერების დახმარებით კითხულობს, ეს მხოლოდ ინდიგო ბავშვებს შეუძლიათ. ესეც ინდიგო ბიჭუნაა, ის ფურცლებთან შეხებით ახერხებს წარწერების ამოცნობას. ეს ბიჭუნა კი წიგნს მახვილი სმენის საშუალებით კითხულობს. ყურთან ახლოს წიგნის ფურცლების შრიალით ის ნაწარმოების შინაარს იგებს. აღნიშნული ვიდეო იაპონურმა მედიასაშუალებებმა მას შემდეგ გაავრცელეს, რაც დარწმუნდნენ, რომ კარდში დაფიქსირებული ფაქტები რეალურია".იაპონელი პედაგოგების განმარტებით, ამ ბავშვებმა წიგნის ავტორთან კვანტური კავშირის დამყარება მოახერხეს, რაც მათ წიგნების სწრაფად და უჩვეულოდ კითხვის საშუალებას აძლევს. ინდიგო ბავშვებს შემდეგი თავისებურებები ახასიათებთ: "ისინი ამ სამყაროში მოდიან ჩამოყალიბებული შეგრძნებებით. მათ კარგად იციან, რა უნდათ. კარგად და ყოველგვარი ეჭვის გარეშე აცნობიერებენ საკუთარ მიზნებსა და მისწრაფებებს.
საკუთარი ქცევის ახსნას აუცილებლობად არ მიიჩნევენ და მხოლოდ არჩევანის თავისუფლების სჯერათ. არსებობს გარკვეული ქმედებები, რომელთაც ინდიგო ბავშვი არასოდეს გააკეთებს, მაგალითად რიგში დგომა, ლოდინი და ა.შ იბნევიან კონსერვატიულ სისტემებთან ურთიერთობებისას, სადაც შემოქმედებით აზროვნებას ადგილი არა აქვს.
რაიმე საქმის კეთებისას საკუთარ თავს ეყრდნობიან და იმპროვიზაციასაც მიმართავენ, თუმცა ამას მშობლები ან პედაგოგები წესის დარღვევად აღქივამენ. ვერანაირად ვერ აღიქვამენ საყვედურებს დისციპლინის დარღვევასთან დაკავშირებით (ყურს არ უგდებენ მსგავსს განცხადებებს "მოვა მამაშენი და ნახავ რასაც გიზამს").
ბავშვი-ინდიგო მგრძნობიარე და სუსტია. მისგან შეიძლება დადგეს როგორც გენიალური შემოქმედი, ისე გარეწარი.
როცა რაიმე უჭირთ, საკუთარ მოთხოვნილებებზე მორიდების გარეშე საუბრობენ. გამძაფრებული აქვთ სამართლიანობის შეგრძნება.
საკმაოდ მიხვედრილები არიან, ადვილად და სწრაფად ერკვევიან ტექნოლოგიებში და ადვილად ითვისებენ სხვადასხვა სახის ტექნიკას."
ინდიგო ბავშვების ფენომენს მეცნიერები უკვე დიდი ხანია იკვლევენ. ზოგიერთი მკვლევარი მათ დაბადებას ცნობიერების ახალ სიხშირეზე გადასვლას უკავშირებს, რომელიც ახალი, ანუ ინდიგო თაობის მიერ მთელი რიგი მიდგომების ახლებურად გააზრებასა და პრობლემატური საკითხების გადაჭრას გულისხმობს. მათი აზრით, ინდოგო ბავშვები გადაჭრიან იმ პრობლემებს, რომლებსაც დღევანდელი კაცობრიობა ვერაფერს უხერხებს.
|