ევროპის ჩემპიონატზე ორი მეოთხედფინალური წყვილი გაირკვა: ჩეხეთი-პორტუგალია, გერმანია-საბერძნეთი. A ჯგუფის შედეგების მიხედვით ფლეიოფში მოულოდნელად ჩეხეთი და საბერძნეთი გავიდნენ, ხოლო B ჯგუფში სამარცხვინოდ დაასრულა თავის გამოსვლა ჰოლანდიის ნაკრებმა, რომელმაც მე-3 მატჩიც წააგო პორტუგალიასთან 1:2 და ტურნირს დაემშვიდობა.

ბოლო ტურის წინ ჰოლანდიელებს გარკვეული შანსები კიდევ რჩებოდათ, მაგრამ მოედანზე უბრალოდ არ იყო გუნდი, რომელსაც საერთოდ რაიმე სახის ამოცანის გადაწყვეტა შეეძლო, მოედანზე იყვნენ სახელიანი უმოტივაციო ფეხბურთელები, რომლებიც უგულოდ ასრულებდნენ თავიანთ მოვალეობას.

            B ჯგუფი, ხარკოვი "მეტალისტი”

            პორტუგალია - ჰოლანდია 2:1

            გოლები: რონალდუ 28,74 - ვან დერ ვაარტი 11

            ყვითლები: ჟოაუ პერეირა - ვილემსი, ვან პერსი.

Castrol EDGE Index-ის მატჩის საუკეთესო მოთამაშეები: 1.კრიშტიანუ რონალდუ (პორტუგალია) – 9.75, 2.ნანი (პორტუგალია) – 9.01, 3.ფაბიუ კოენტრაო (პორტუგალია) – 8.96.

პაულუ ბენტუ (პორტუგალიის ნაკრების მთავარი მწვრთნელი): "დასახულ მიზანს მივაღწიეთ და მე ვამაყობ, რომ ეს შევძელით როგორც ერთიანმა გუნდმა. ეს დამსახურებაა იმ ერთიანობის, რომელიც ჩვენს საწვრთნელ ბანაკში სუფევდა მთელი ამ დღეების განმავლობაში. ეს იყო ჩვენი საუკეთესო მატჩი ამ ტურნირზე. მეოთხედფინალში საკუთარი თავი ფავორიტი არ მიგვაჩნია, მაგრამ თუ ვაჩვენებთ ამავე დონეს, რაც ბოლო შეხვედრაში, მაშინ ნახევარფინალში გასვლის კარგი შანსიც გვექნება.”

რაფაელ ვან დერ ვაარტი (ჰოლანდიის ნაკრების კაპიტანი): "ევროპის ჩემპიონატი ჩვენ ყველამ ჩავაგდეთ და ყურადღებით უნდა ჩავიხედოთ სარკეში. ახლა მხოლოდ ერთი რამის გაკეთება შეგვიძლია, რომ ვუთანაგრძნოთ ჰოლანდიის ნაკრების გულშემატკივრებს. დანიის ნაკრებთან სასტარტო მარცხმა გუნდის თვითრწმენა დაანგრია და დღეს პორტუგალისთან გვეშინოდა, რომ ყველაფერი კვლავ ცუდად წავიდოდა…ასეც მოხდა. ყველაფერი თავიდან უნდა დავიწყოთ, თუ კონკრეტულად როგორ, ამაზე პასუხი ჯერჯერობით არ მაქვს.”'